افغان صوبے مزار شریف بم دھماکے میں اموات 10 ہوگئیں، متعدد زخمی

کابل (مانیٹرنگ ڈیسک ) افغان صوبے مزار شریف میں تبیان ثقافتی مرکز میں دھماکے میں اموات کی تعداد 10 ہوگئی، متعدد زخمی ہوگئے۔ اطلاعات کے مطابق افغان صوبے مزار شریف میں صحافیوں کی ایک تقریب کے دوران بم دھماکے میں 10 افراد جاں بحق اور متعدد زخمی ہوگئے۔ غیر ملکی خبر ایجنسی کے مطابق ہفتے کو افغان صوبے بلخ کے ضلع مزار شریف میں ثقافتی مرکز میں صحافیوں کی ایک تقریب کے دوران بم دھماکے کے نتیجے میں پانچ صحافیوں سمیت 10 افراد جاں بحق ہوگئے۔ افغان انتظامیہ کے مطابق دھماکہ صبح 11 بجکر 30 منٹ پر بارودی سرنگ پھٹنے سے ہوا۔