ترکیہ انتخابات، صدر اردوان 50.66 فیصد ووٹ لیکر آگے

ترکیہ کے صدارتی اور پارلیمانی انتخابات کے بعد گنتی کا عمل شروع ہو گیا اور ابتدائی نتائج کے مطابق صدر اردوان کو مخالف امیدواروں پر برتری حاصل ہے۔رپورٹس کے مطابق ترکیہ میں صدارتی انتخابات میں 80 فیصد ووٹوں کی گنتی مکمل ہو گئی ہے۔اب تک کے نتائج کے مطابق صدر رجب طیب اردوان 50.66 فیصد ووٹ لیکر آگے جبکہ ان کے مخالف امیدوار کمال قلیچ دار اوغلو 43.53 فیصد ووٹوں کے ساتھ دوسرے نمبر ہیں جبکہ تیسرے امیدوار سنان اوغان اب تک 5.32 فیصد ووٹ لے سکے ہیں۔واضح رہے کہ آج ترکیہ میں صدارتی اور پارلیمانی انتخابات کیلئے ووٹنگ کا عمل مقامی وقت کے مطابق صبح 8 بجے سے شام 5 بجے تک جاری رہا۔