خیبر ،سرچ آپریشن کے دوران خالی مکان سے خودکش جیکٹ برآمد

خیبر(صباح نیوز) ضلع خیبر کے علاقے سلطان خیل میں سرچ آپریشن کیا گیا۔سیکیورٹی ذرائع کے مطابق سرچ آپریشن کے دوران خالی مکان سے خود کش جیکٹ برآمد ہوئی ہے۔کارروائی علی مسجد سے گرفتار مشکوک شخص سے تفتیش کے نتیجے میں کی گئی۔سکیورٹی ذرائع نے یہ بھی بتایا ہے کہ خود کش جیکٹ کو ناکارہ بنادیا گیا ۔واضح رہے کہ ایک روز قبل ضلع خیبر میں واقع علی مسجد میں خودکش دھماکا ہوا تھا جس کے نتیجے میں ایڈیشنل ایس ایچ او عدنان آفریدی جاں بحق ہو گئے تھے۔