برطانیہ کی معروف کاروباری شخصیت محمد الفائد کاانتقال

لندن (امین این آئی)برطانیہ کی معروف کاروباری شخصیت مصری نژاد محمد الفائد 94 برس کی عمر میں انتقال کرگئے، ان کی نماز جنازہ لندن کے ریجنٹس پارک مسجد میں ادا کی گئی۔غیرملکی میڈیا کے مطابق محمد الفائد پرتعیش اشیا کے اسٹور Harrods اور فٹبال کلب Fulhamکے سابق مالک تھے۔ غیرملکی میڈیا کے مطابق معروف کاروباری شخصیت کا انتقال ان کے بیٹے دودی الفائد (Dodi Fayed) کی موت کے چھبیس برس بعد ہوا ہے۔دودی الفائد برطانیہ کی شہزادی ڈیانا کے ساتھ کار حادثے میں جاں بحق ہوئے تھے۔