مبینہ کرپشن کیس، نیب نے نواب زہری اور قدوس بزنجو کو طلب کرلیا

کوئٹہ: نیب بلوچستان نے سابق وزراء اعلیٰ نواب ثناء اللہ زہری اور اسپیکر بلوچستان اسمبلی میر عبدالقدوس بزنجو کو مبینہ کرپشن کیس کی تحقیقات کے سلسلہ میں 23 جون کو نیب آفس میں طلب کر لیا ذرائع کے مطابق قومی احتساب بیورو نے دونوں سابق وزراء اعلیٰ کو ذاتی حیثیت میں بیان ریکارڈ کروانے کے لئے نیب دفتر میں طلب کیا ہے ذرائع کے مطابق دونوں وزراء اعلیٰ سے 2008ء میں قائم ہونے والی کمپنی کو 2018-19ء میں ایک انویسمنٹ کمپنی نے سرمایہ کاری کے لئے دی جانے والی رقم کے بارے میں تحقیقات کی جائیں گی تاہم ایک اور ذرائع کے مطابق اس کمپنی میں سابق وزراء اعلیٰ کے دور سے پہلے 2008ء میں 22 کروڑ روپے کی انویسمنٹ کی گئی تھی تاہم بعدازاں کمپنی کا ملک روڈ حادثہ میں جاں بحق ہوگیا تھا جس کے بعد حکومت بلوچستان نے اپنی رقم نکلوانے کے لئے کمپنی کو خطوط بھی لکھے لیکن تاحال رقم کی واپسی ممکن نہ ہو سکی ذرائع کے مطابق دونوں وزراء اعلیٰ سے اس کمپنی کو لکھے گئے خطوط اور ان کے ادوار میں کئے جانے والے رابطوں کے حوالے سے تحقیقات کی جائیں گی۔