مستونگ خودکش حملے میں ملوث 8 مشتبہ افراد گرفتار

مستونگ(صباح نیوز)بلوچستان کے ضلع مستونگ میں ہونیوالی دھماکے کی سہولت کاری کے شعبہ میں 8افراد گرفتار کر لئے گئے ۔بلوچستان کے ضلع مستونگ میں الفلاح روڈ پر عید میلادالنبیۖ کے جلوس میں ہونے والے خودکش دھماکے کی تحقیقات جاری ہے۔سکیورٹی اداروں کے ساتھ مختلف آپریشنز کے دوران واقعہ میں ملوث ہونے اور سہولت کاری کے شبے میں 8 افراد حراست میں لے لیا ہے۔ترجمان سی ٹی ڈی نے کہا کہ خود کش حملہ آور کا کوئی ڈیٹا، ڈی این اے اور فرانزک کی رپورٹس تاحال موصول نہیں ہوئی ہیں۔انہوں نے کہا کہ واقعہ کی تحقیقات میں کسی قسم کی کوئی کوتاہی نہیں برتی جا رہی تاہم رزلٹ میں کچھ وقت لگے گا۔واضح رہے کہ دھماکے میں پولیس کے ڈی ایس پی سمیت 62 افراد جاں بحق اور 60 سے زائد زخمی ہوئے، 10 سے 15 کلو بارودی مواد اور بال بیرنگ استعمال کیا گیا۔