قومی کرکٹ ٹیم کیلئے نئے کوچ کی تلاش ، سابق آسٹریلوی آل راﺅنڈر کوچنگ کے لیے مضبوط امیدوار ثابت

اسلام آباد(مانیٹرنگ ڈیسک)پاکستان کرکٹ ٹیم کے لیے کل وقتی کوچ پہلی ترجیح قرار دے دی گئی ہے اور پی سی بی مستقل بنیادوں پر کوچ کی تقرری کا خواہشمند ہے۔سابق آسٹریلوی آل راو¿نڈر شین واٹسن اب بھی کوچنگ کے لیے مضبوط امیدوار ہیں لیکن ان کے پیشگی کمٹ منٹس تقرری میں آڑے آ سکتے ہیں۔اس سلسلے میں پاکستان کرکٹ بورڈ کسی نتیجے پر نہیں پہنچا بلکہ مشاورتی عمل جاری ہے۔اس مرتبہ پاکستان ٹیم کے لیے مکی آرتھر کی طرح دیگر ذمہ داری نبھانے والے کوچ کی خدمات نہیں لی جائیں گی۔پاکستان ٹیم کیلئے غیر ملکی کوچز کی تلاش، پی سی بی کی نظریں کس پر؟ذرائع کا کہنا ہے کہ پی سی بی شین واٹسن کے ساتھ رابطے میں ہے اور پی سی بی کو معاملات طے ہونے کی امید ہے لیکن شین واٹسن کے ساتھ معاملات طے پانا یا شین واٹسن کا پیشکش قبول کرنا یقینی نہیں ہے کیونکہ شین واٹسن میجر لیگ کرکٹ میں سان فرانسسکو کے کوچ ہیں اور ان کے کمنٹری کے بھی کمٹمنٹس ہیں۔فیملی مصروفیات اور پیشگی کمٹمنٹس شین واٹسن کی تقرری میں آڑے آسکتی ہے۔دوسری جانب ڈیرن سیمی، فل سمنز، سائمن کیٹچ اور مائیک ہیسن بھی کوچنگ کے لیے زیر غور ہیں۔