کیسکو کا ٹیوب ویلوں کو سولر آئزکرنے کےلئے چندے کی شکایات سے اظہار لاتعلقی

کوئٹہ(پ ر)کوئٹہ الیکٹرک سپلائی کمپنی(کیسکو) کے ترجمان نے زرعی صارفین کی جانب سے ٹیوب ویل کنکشنوںکی سولرائزیشن کے سلسلے میں شکایات کی وضاحت کرتے ہوئے کہاہے کہ حکومت بلوچستان کی جانب سے زمینداروں کے کنکشنز شمسی توانائی پر منتقل کئے جارہے ہیںاور اس سلسلے میں صوبائی حکومت کی طرف سے تمام زمینداروںکا ڈیٹااور معلومات بھی حاصل کی جارہی ہےں۔ ترجمان نے کہاکہ صوبہ کے مختلف علاقوں سے شکایات موصول ہورہی ہےں کہ زمینداروں کے ٹیوب ویل کنکشنوںکے سولرائزیشن کے عمل کےلئے چندہ اکھٹا کیا جارہا ہے جس سے کیسکوکا کوئی تعلق نہیں ہے کیونکہ زرعی ٹیوب ویل کنکشنوںکو شمسی توانائی پر منتقلی کیسکوکامنصوبہ نہیں ہے بلکہ یہ منصوبہ حکومت بلوچستان کے تحت عمل میں لایاجارہاہے ۔ترجمان نے مزیدکہاکہ جو زمیندار کسی شخص یا تنظیم کو ٹیوب ویلوںکے سولرائزیشن کےلئے رقم دیتاہے تووہ اس کا اپنا ذاتی عمل ہے اور کیسکواس کاذمہ دارنہیں۔ تاہم ترجمان نے واضح کیا کہ چندہ وصولی کی شکایات کےلئے کیسکوکے اعلیٰ حکام سے مذکورہ افرادکی نشاندہی کی جاسکتی ہے اسکے علاوہ صوبائی حکومت سے بھی اُن افرادکے خلاف کارروائی کی استدعاکی جاسکتی ہے۔