حب، مطلوب اشتہاری سمیت دو ملزمان گرفتار

حب: حب سٹی و ہائیٹ پولیس کی کاروائیاں پولیس مقابلے اورڈکیتی کے مقدمے میں مطلوب اشتہا ری سمیت دو ملزمان گرفتار،اسلحہ برآمد مقدمہ درج کر کے مزید تفتیش شروع کردی اس حوالے سے بتا یا جاتا ہے کہ SHOحب سٹی عطاء اللہ نمانی او ر SHOہائیٹ تھانہ عبدالحق موسیانی نے گزشتہ روز دیگر پولیس نفری کے ہمراہ حب کے علاقہ لیبر کالونی میں مشترکہ چھاپہ مار کاروائی کرتے ہوئے پولیس مقابلے و ڈکیتی کی وارداتوں میں مطلوب اشتہار ملزم عبدالرحمن ولد حق جی اسلم کو گرفتار کر کے مزید تحقیقات شروع کردی جبکہ SHOحب سٹی نے ایک اور چھاپہ مار کاروائی میں ایک شخص کو گرفتار کر کے اُس کے قبضے سے ایک پسٹل برآمد کرکے مقدمہ درج کر کے مزید تفتیش شروع کردی۔