حب، پمپ مالک کو قتل کرنے والے 3ملزمان گرفتار

حب :حب سٹی پولیس کی کارروائی،گزشتہ روز ڈکیتی کے دوران پمپ مالک کو قتل کرنے والے 3ملزمان گرفتار کرکے اسلحہ اور مسروقہ سامان برآمد کرلیا گیا ہے۔ حب سٹی کے ایس ایچ او عطا اللہ نمانی نے میڈیا کو تفصیلات بتاتے ہوئے کہاکہ گزشتہ شب سٹی ہوٹل کے قریب جام کالونی میں مسلح ڈکیتوں نے منی پٹرول پمپ پر ڈکیتی کی کوشش کے دوران مزاحمت کرنے پر فائرنگ کرکے پمپ مالک دانش آفریدی کو قتل کردیا اور پمپ سے 2لاکھ روپے نقد رقم و دیگر سامان لوٹ کر فرار ہوگئے۔ پولیس کو واقع کے اطلاع ملتے ہی ایس ایچ او حب سٹی عطا اللہ نمانی نے پولیس ٹیم کے ہمراہ ناکہ بندی کرکے ملزمان کی تلاش شروع کردی نے جام کالونی میں چھاپہ مارکر تین ڈکیتوں کوگرفتار کرکے چھینی گئی دو لاکھ روپے نقد رقم و دیگر سامان اور تین عدد ٹی ٹی پسٹل برآمد کرلئے ملزمان سے مزید تفتیش پولیس کررہی ہے۔