نوشکی،ایرانی تیل لے جانے پر پابندی کیخلاف احتجاج ودھرنا ،گاڈیوں کی لمبی قطاریں لگ گئیں

نوشکی (یو این اے )تیل کمیٹی کی جانب سے تیل کی کاروبار پر پابندی کے خلاف احتجاج ، دھرنا اور پہیہ جام ہڑتال گاڈیوں کی لمبی قطاریں لگ گئیں سخت گرمی میں خواتین بچوں بیمار اور مسافروں کو شدید مشکلات اور پریشانی کا سامنا جمعہ کے روز تیل کمیٹی کی جانب سے نوشکی سے کوئیٹہ ایرانی تیل لے جانے پر پابندی کے خلاف تیل کمیٹی کی جانب سے آر سی ڈی شاہراہ کو بلاک کر دیا گیا مظاہری صبح سات بجے آر سی ڈی شاہراہ پر خیمہ زن ہوگئے اور دھرنا دیدیا پاک ایران آر سی ڈی شاہراہ پر ٹریفک آمدورفت معطل ہوگءجس کے نتیجے میں آر سی ڈی شاہراہ پر گاڑیوں کی لمبی قطاریں لگ گئیں۔ مسافروں اور ٹرانسپورٹرز کو شدید مشکلات کا سامنا کرنا پڑا۔تیل کمیٹی کے صدر جہانذیب بادینی نے اس موقع پر اخباری نمائندوں سے گفتگو کرتے ہوئے کہا کہ حکومت کی جانب سے تیل کی کاروبار پر عائد پابندی بلاجواز اور معاشی طور پر نقصان دہ ہے۔ انہوں نے مطالبہ کیا کہ تیل سمیت بارڈری کاروبار کو فوری طور پر بحال کیا جائے، ورنہ کمیٹی کی جانب سے احتجاج کا دائرہ وسیع کرتے ہوئے مزید سخت اقدامات اٹھائے جائیں گے۔جہانذیب بادینی نے مزید کہا کہ حکومت کو مقامی لوگوں کے روزگار کے مسائل کو سمجھتے ہوئے انہیں ان کے کاروبار کرنے کا حق دینا چاہیے۔ ہڑتال کے دوران عوام کو درپیش مشکلات پر افسوس کا اظہار کرتے ہوئے انہوں نے کہا کہ حکومت کو جلد از جلد اس معاملے کو حل کرنا چاہیے تاکہ عوام کو مزید پریشانیوں کا سامنا نہ کرنا پڑے۔مسافروں اور ٹرانسپورٹروں نے بھی حکومت سے مطالبہ کیا ہے کہ وہ مسئلہ جلد حل کرے تاکہ شاہراہیں کھل سکیں اور آمدورفت معمول پر آسکے۔