حزب اللہ کے اسرائیل میں راکٹ حملے، 5 اسرائیلی ہلاک

بیروت(این این آئی)لبنان کی مزاحمتی تنظیم حزب اللہ کے اسرائیل میں راکٹ حملوں میں 5افراد ہلاک اور ایک شدید زخمی ہوگیا۔اسرائیلی میڈیا کے مطابق راکٹ حملہ شمالی سرحد کے قریب متولا قصبے کے قریب کیا گیا ہے جس میں 5افراد ہلاک اور ایک شدید زخمی ہوا ہے۔ مرنے والوں میں ایک اسرائیلی شہری تھا جبکہ باقی 4غیر ملکی شہری تھے جبکہ زخمی شخص کی حالت تشویشناک بتائی جارہی ہے۔خیال رہے کہ اسرائیلی فوج کے لبنان پر حملوں میں کم از کم 2822افرادجاں بحق اور 12937زخمی ہو چکے ہیں۔