بلوچستان کے موجودہ حالات ناروا پالیسیوں کا نتیجہ ہیں، بی این پی کی کوئٹہ دھما کے کی مذمت
کوئٹہ(یو این اے )بلوچستان نیشنل پارٹی کے مرکزی بیان میں کوئٹہ ریلوے اسٹیشن میں دھماکے میں 26 نہتے انسانوں کے جانوں کا ضیاع کی مذمت کرتے ہوئے کہا ہے کہ بلوچستان کے موجودہ مخدوش حالات حکومت وقت اور ماضی کے ارباب و اختیار کی ناروا پالیسیوں کا نتیجہ ہیں بلوچستان کے حالات ابتر ہو چکے ہیں گزشتہ 9 ماہ سے فارم 47 کے حکمران اقتدار پر براجمان ہیں حالات اتنے بحرانی ہیں کہ کسی کا جان و مال تک محفوظ نہیں آمر حکمران ہوں یا سول ڈکٹیٹر ان کی بلوچ اور بلوچستانی عوام سے متعلق پالیسیاں ناروار ہیں، بلوچ اور محکوم اقوام کے خلاف استحصال پر بنی فیصلے نہ کئے جاتے تو حالات اس نہج تک نہیں پہنچتے بلوچستان میں 5 مرتبہ آپریشن اور طاقت کا بے دردی سے استعمال کیا گیا آج بلوچستان کو پوائنٹ آف نور بیٹرن تک پہنچا دیا گیا ہے حواس باختگی کا یہ عالم ہے کہ فارم 47 کے ذریعے بلوچستان پر حکمرانوں کو مسلط کر دیا گیا پارٹی انسانیت کی قدرو منزلت کو ملحوظ خاطر رکھتے ہوئے واقعے کی شدید مذمت کرتی ہے۔
