دہشت گرد قوم کو تقسیم کرنا چاہ رہے ہیں، انہیں ہر قیمت پر شکست دیں گے، زرداری

کوئٹہ (مانیٹرنگ ڈیسک) صدر مملکت آصف علی زرداری کی زیر صدارت امن و امان کی صورتحال پر اجلاس۔ وزیراعلیٰ بلوچستان نے صوبے میں امن و امان کی صوتحال پر بریفنگ دی۔ اس موقع پر صدر مملکت آصف علی زرداری نے کہا کہ دہشت گرد قوم کو تقسیم کرنا چاہ رہے ہیں دہشت گرد عناصر کو ہر قیمت پر شکست دیں گے۔ صورتحال واضح ہے ریاست نے رہناہے،دہشت گردی کیخلاف جنگ جیتنی ہے۔ انسداد دہشت گردی ونگ کو جدید اسلحہ فراہم کریں گے۔ بلوچستان دل کے قریب ہے،صوبے کی ترقی اور پائیدار امن چاہتے ہیں۔ بلوچستان کے ہر بچے کو اسکول میں دیکھنا چاہتے ہیں، جدید ٹیکنالوجی سے بچوں کو روشناس کروانا وقت کی ضرورت ہے۔ اجلاس میں چیئرمین پیپلز پارٹی بلاول بھٹو خصوصی طور پر شریک ہوئے،قائم مقام گورنر بلوچستان عبدالخالق اچکزئی، چیف سیکرٹری شکیل قادر، آئی جی بلوچستان معظم جاہ انصاری سمیت دیگر اعلیٰ حکام بھی اجلاس میں شریک ہوئے۔