مستونگ، بلوچستان کانسٹیبلری کے ٹرک کے قریب دھماکہ، 3 اہلکار جاں بحق، متعدد زخمی، ترجمان بلوچستان حکومت

مستونگ (صباح نیوز) مستونگ کنڈ مسوری کے قریب دھماکہ۔ ترجمان بلوچستان حکومت کے مطابق آر ٹی سی قلات سے پولیس اہلکاروں کو لے جانے والے ٹرک پر آئی ای ڈی دھماکہ ہو۔ ترجمان بلوچستان حکومت شاہد رند نے بتایا کہ دھماکے میں بلوچستان کانسٹیبلری کے 3 اہلکار جاں بحق ہوئے۔ دھماکے کے نتیجے میں 16 اہلکار زخمی ہوئے ہیں۔ زخمیوں میں دو اہلکاروں کی حالت تشویشناک ہے۔ زخمیوں کو اسپتال منتقل کر دیا گیا، جبکہ شدید زخمیوں کو کوئٹہ منتقل کیا گیا۔ بی سی اہلکار بلوچستان نیشنل پارٹی دھرنے کی سیکیورٹی پر تعینات تھے۔ شاہد رند نے کہا کہ واقعے کی تحقیقاتی رپورٹ طلب کرلی گئی ہے۔