علیمہ خان کے 9 ویں مرتبہ ناقابل ضمانت وارنٹ جاری، 17 نومبر تک گرفتار کرکے پیش کیا جائے، عدالت کا حکم

راولپنڈی (صباح نیوز) راولپنڈی کی انسداد دہشت گردی عدالت نے26نومبر احتجاج مقدمے میں بانی پی ٹی آئی کی بہن علیمہ خان کے نویں مرتبہ ناقابل ضمانت وارنٹ جاری کر دیے۔ جمعرات کو علیمہ خان سمیت 11 ملزمان پر 26 نومبر احتجاج کے مقدمے کی سماعت جج امجد علی شاہ نے کی، جس میں علیمہ خان اور ان کے وکلا آج بھی عدالت پیش نہیں ہوئے جبکہ مقدمے میں نامزد دیگر ملزمان عدالت پیش ہوئے۔ عدالت نے علیمہ خان کو گرفتار کر کے 17 نومبر کو پیش کرنے کا حکم دے دیا۔