وڈھ، وہیر میں نوجوان کی گولیوں سے چھلنی لاش برآمد

خضدار (یو این اے) تحصیل وڈھ کے علاقے وہیر میں مدرسے کے قریب ایک نوجوان کی گولیوں سے چھلنی لاش برآمد ہوئی ۔ واقعے کی اطلاع ملتے ہی پولیس موقع پر پہنچ گئی اور لاش کو تحویل میں لے کر ضروری قانونی کارروائی کے لیے اسپتال منتقل کردیا۔ تفصیلات کے مطابق وڈھ پولیس کے مطابق مقتول کی شناخت شکیل احمد ولد بشیر احمد ملازئی کے نام سے ہوئی ہے۔ لاش مدرسے کے قریب ایک ویران جگہ سے برآمد ہوئی، جہاں خون کے نشانات بھی پائے گئے۔ تاہم واقعہ کے محرکات تاحال معلوم نہیں ہوسکے۔ پولیس واقع کے بارے میں تفتیش کا آغاز کردیا ہے ۔