پاکستان بھر میں آج شب معراج عقیدت و احترام سے منائی جائے گی

کراچی (ویب ڈیسک) پاکستان بھر میں آج رات شب معراج عقیدت و احترام سے منائی جائے گی۔ اس موقع پر مساجد میں خصوصی عبادات، نوافل اور محافل ذکر کا اہتمام کیا جائے گا۔ شب معراج کے حوالے سے علمائے کرام خصوصی خطابات کریں گے، جن میں واقعہ معراج اور اس کی اہمیت پر روشنی ڈالی جائے گی اور ملک و قوم کی ترقی، سلامتی اور امت مسلمہ کے لیے خصوصی دعائیں مانگی جائیں گی۔ کراچی سمیت سندھ بھر کے تعلیمی اداروں میں کل بروز ہفتہ 17 جنوری کو تعلیمی اداروں میں عام تعطیل کا بھی اعلان کیا گیا ہے۔