اڈیالہ جیل میں عمران خان اور بشریٰ بی بی کی ملاقات کروا دی گئی

راولپنڈی (ویب ڈیسک) راولپنڈی کی اڈیالہ جیل میں بانی پاکستان تحریک انصاف اور بشریٰ بی بی کے درمیان ملاقات کرائی گئی ہے۔ جیل ذرائع کے مطابق ملاقات جیل قوانین کے مطابق اور مقررہ طریقہ کار کے تحت منعقد ہوئی۔ ذرائع نے بتایا کہ عمران خان اور بشریٰ بی بی کی ملاقات جیل کے کانفرنس روم میں کرائی گئی ہے۔ اس ملاقات کا دورانیہ تقریباً 45 منٹ تھا۔ جیل انتظامیہ کے مطابق ملاقات جیل قوانین اور ضوابط کے مطابق کرائی جاتی ہے۔ اس موقع پر بشریٰ بی بی کی جانب سے لایا گیا سامان بھی جیل انتظامیہ نے وصول کیا۔ ذرائع کے مطابق سامان میں کمبل، گرم کپڑے، میوہ جات اور کھجوریں شامل تھیں، جو مقررہ طریقہ کار کے تحت جمع کرائی گئیں۔