عمران خان کی بیٹوں سے 20 منٹ تک بات ہوئی ہےہم اب ان کے فوری طبی علاج کے منتظر ہیں، علیمہ خان

ویب ڈیسک : پاکستان تحریکِ انصاف کے بانی عمران خان کی بہن علیمہ خان نے کہاہے کہ عمران خان کی ان کی بیٹوں سے بات ہوئی ہے اور وہ اب عمران خان کا فوری علاج شروع کیے جانے کی منتظر ہیں۔سوشل میڈیا سائٹ ایکس پر ایک پوسٹ میں انھوں نے لکھا کہ ’چیف جسٹس آف پاکستاننے ہدایت دی تھی کہ عمران خان کو اپنے بیٹوں سے بات کرنے کی اجازت دی جائے۔‘انھوں نے بتایا کہ ’ہم تصدیق کر سکتے ہیں کہ وہ تقریبا 20 منٹ تک ان سے بات کر سکے۔ اس کے بیٹوں نے بتایا کہ وہ اتنے عرصے بعد ان کی آوازیں سن کر بے حد خوش ہوئے۔‘علیمہ خان نے تفصیلی پوسٹ میں لکھا کہ ’ہم اب ان کے فوری طبی علاج کے منتظر ہیں، جو اسلام آباد میں شفا انٹرنیشنل ہسپتال میں ان کے ذاتی ڈاکٹروں کی نگرانی میں ہو، جہاں ماہر ڈاکٹروں کو ان کی بینائی بحال کرنے کے لیے ہر ممکن کوشش کریں۔‘عمران خان کی ہمشیرہ نے کہا کہ ’بروقت علاج فراہم کرنے میں جان بوجھ کر تاخیر نے اس کی بینائی کو نقصان پہنچایا ہے۔ ہم مزید تاخیر برداشت نہیں کر سکتے اور نہ ہی کریں گے، اور فوری ماہر علاج کسی بھی مستقل بینائی کے نقصان کو روکنے کے لیے ضروری ہے۔‘