ماری پور کے مختلف علاقوں میں کتاب کلچر کو فروغ دینے کیلئے مہم چلائی جاٸیگی۔تنظیم نوجوانان بلوچاں,ٹکری ایجوکیشن سینٹر

تنظیم نوجوانان بلوچاں اور ٹکری ایجوکیشن سینٹر نے ایک مشترکہ بیان جاری کرتے ہوٸے کہا کہ ماری پور کے مختلف علاقوں میں کتب بینی اور کتاب کلچر کو فروغ دینے کے لٸے ایک مہم چلاٸی جاٸیگی تاکہ ماری پور جیسے پسماندہ علاقے کے طالب علم اور کتاب دوست افراد کتاب بینی کی طرف راغب ہوسکے۔
تنظیم نوجوانان بلوچاں کے جنرل سیکرٹری وزیر بلوچ نے کہا کہ ماری پور ایک پسماندہ علاقہ ہے جو تعلیم سمیت مختلف شعبوں میں پسماندہ ہے اور اسکی اہم وجہ تعلیم سے دوری ہے۔نوجوان نسل تعلیم سے بے بہرہ ہو کر دیگر سماجی براٸیوں کی طرف چلے جاتے ہیں اور اس کا نتیجہ سماج کی بربادی پر منتج ہوتا ہے۔
اس لٸے کافی سوچ و بچار کے بعد فیصلہ لیا ہے کہ نوجوانوں کو تعلیم کی طرف راغب کرنے کے لٸے کتاب کلچر ایک موزوں مہم ہوگا جس کے ذریعے ہم ترقی کی طرف سفر کرسکتے ہیں۔
ٹکری ایجوکیشن سینٹر کے صدر اللہ بخش بلوچ نے کہا کہ ماری پور وہ علاقہ ہے جس نے اسپورٹس کے میدان میں ایسے گوہر نایاب جنم دٸیے جنہوں نے عالمی سطح پر ملک و قوم کا نام روشن کیا لیکن ایک سوچی سمجھی سازش کے تحت ماری پور کو تعلیم جیسی نعمت سے محروم کردیا ہے ۔تعلیم سے دوری نہ صرف انسان کو دیگر سماجی براٸیوں میں ملوث کرتا ہے بلکہ اس سماج کی جڑوں کو کھوکھلا کردیتی ہے۔
مشترکہ بیان میں مذید کہا گیا کہ دونوں ادارے مل کر ماری پور کی ترقی کے لٸے کام کرینگے اور سوشل میڈیا سمیت مختلف فورمز پر مہم چلاٸی جاٸیگی۔