مجبوری کے تحت ایسی فلموں میں کام کیا جن کے ریلیزنہ ہونے کی دعا کرتی تھی، نینا گپتا

بھارتی اداکارہ نینا گپتا نے انکشاف کیا کہ ماضی میں انہوں نے مجبوری کے تحت کئی ایسی فلموں میں اداکاری کی جس کیلئے وہ قائل نہیں تھیں۔
میڈیا کو انٹرویو دیتے ہوئے اداکارہ نے بتایا کہ ٹی وی پر میں نے کبھی ایسا کردار نہیں کیا جو مجھے پسند نا ہو لیکن فلموں میں ایسے متعدد کردار کیے کیونکہ اس وقت مجھے پیسوں کی ضرورت تھی۔
انہوں نے کہا کہ مجھے ایسا فضول کام بھی کرنا پڑا جس کا آپ تصور نہیں کرسکتے۔
نینا گپتا کا کہنا تھا کہ وہ فلمیں ایسی تھیں کہ میں دعا کرتی تھی کہ کبھی نا دیکھوں یا وہ کبھی ریلیز نا کی جائیں، انتہائی بری طرح سے لکھے گئے کردار وں کو مجھے نبھانا پڑا کیونکہ اس وقت کام نہیں تھا۔