گوگل اور ایمازون کے ملازمین کا اسرائیل کے ساتھ معاہدہ منسوخ کرنیکا مطالبہ

امریکی ٹیکنالوجی کمپنی گوگل اور آن لائن کاروبار کی معروف ویب سائٹ ایمازون کے ملازمین نے اسرائیل کے ساتھ کیا گیا معاہدہ منسوخ کرنے کا مطالبہ کردیا۔ ایمازون اور گوگل کے 400 سے زائد ملازمین نے برطانوی اخبار میں شائع ہونے والے ایک مشترکہ خط میں اپنے اداروں سے مطالبہ کیا ہیکہ وہ اسرائیلی فوج اور اسرائیلی حکومت سے کیا گیا معاہدہ معطل کریں۔دونوں کمپنیوں نے رواں سال اسرائیلی حکومت اور اسرائیلی فوج سیکلاؤڈ سروس کی فراہمی کا معاہدہ کیا تھا جن کی مالیت ایک ارب 20 کروڑ ڈالر سے زائد ہے۔اسرائیلی مصنوعات کافرانس میں بائیکاٹ، یہودی چراغ پاخط میں کہا گیا ہیکہ یہ معاہدہ مئی میں اسی دوران کیا گیا جب اسرائیل کی جانب سے غزہ پر بمباری کے نتیجے میں 60 بچوں سمیت 250 افراد جاں بحق ہوگئے تھے۔ملازمین کا کہنا ہے کہ ہماری کمپنیوں کی جانب سے فراہم کردہ سروسز کی مدد سے اسرائیلی فوج اور حکومت کی جانب سے فلسطینیوں کے خلاف کیے جانے والے منظم امتیازی سلوک اور انہیں گھروں سے بے دخلی کے ظالمانہ عمل کوتقویت ملیگی۔ ایمازون اور گوگل کی جانب سے مذکورہ خط پر کوئی جواب نہیں ملا ہے