امریکی ماہرین ارضیات نے چاند کا پہلا مکمل ارضیاتی نقشہ تیار کرلیا
واشنگٹن:امریکی ماہرینِ ارضیات نیچاند کا پہلا مکمل ارضیاتی نقشہ تیار کرلیا ہے جس سے خلائی تحقیق کے امریکی ادارے ناسا کو مستقبل کے چاند کے مشن میں مدد ملنے کا امکان ہے۔میڈیارپورٹس کے مطابق امریکا کے جیولوجیکل سروے (یو ایس جی ایس)نے ناسا اور قمری سیارہ انسٹی ٹیوٹ لونٹر پینلٹی انسٹیٹیوٹ کے اشتراک سے چاند کا ایک جامع نیا رنگین نقشہ جاری کیا ہے۔چاند کے یونیفائیڈ جغرافیائی نقشے کے بارے میں کہا جارہا ہے کہ یہ مستقبل میں انسانی خلائی مشنوں کے لئے چاند کی سطح کے ارضیات کا ایک واضح نقشے کے طور پر کام کرے گا۔چاند کا جغرافیائی نقشہ محققین، سائنس دانوں، طلبا اور عام عوام کے لیے وسائل بخش ثابت ہوگا۔ ناسا نے پچھلے سال اعلان کیا تھا کہ وہ 2024 تک ایک بار پھر خلانوردوں کو چاند پر بھیجنے کا ارادہ رکھتا ہے۔ساڑھے چار ارب برس قدیم زمین کے قدرتی سیارے پر ماضی میں ہر طرح کے پتھر ٹکراتے رہے ہیں جس سے چاند پر گہرے گڑھے اور غار نما ساختیں بنیں جو مطالعے کے لیے دلچسپی رکھتے ہیں۔نقشہ سازی کے لیے اپالو کے چھ مشن اور سیٹلائٹ سے ڈیٹا اور تصاویر کو شامل کیا گیا۔
