ناقص حکمرانی سیلاب متاثرین کی مشکلات اور تباہی کی بڑی وجہ ہے، جام کمال

کوئٹہ (انتخاب نیوز) سابق وزیراعلیٰ بلوچستان جام کمال نے سماجی رابطے کی ویب سائٹ ٹوئٹر پر اپنے پیغام میں کہاہے کہ دیہات، قصبوں اور متاثرہ علاقوں کا دورہ کیاسب کی شکایت ہیں کہ ناقص حکمرانی اور عدم دلچسپی درپیش مشکلات اور تباہی کی ایک بڑی وجہ ہے اگر بروقت کارروائی، پیشگی منصوبہ بندی اور پہلے سے اقدامات اٹھائے جاتے تو حالات کم از کم کچھ بہتر ہوتے انہوں نے حکومت بلوچستان کی ترجمان کی ویڈیوشیئر کرتے ہوئے لکھاہے کہ یہاں سوگ کا سماں ہے اور ہماری ترجمانی کا یہ حال انہوں نے کہاکہ تحصیل بیلہ میں کئی دنوں سے بجلی نہیں ہے۔ مین ٹرانسمیشن لائن گر گئی ہے اور سست روی سے کام کیا جارہا ہے نہ رہائش، نہ خوراک، نہ رسائی، نہ بجلی، مجھے امید ہے کہ ہماری حکومتیں اس سیلاب اور اس کے پھیلاﺅ کی شدت کو سمجھ رہی ہوں گی۔