شفقت محمود کی زیر صدارت اجلاس، طلباء کو بغیر امتحانات پروموٹ کر نے سے متعلق فیصلہ نہ ہوسکا

اسلام آباد:وزیر تعلیم شفقت محمود کی زیر صدارت اجلاس میں طلباء کو بغیر امتحانات پروموٹ کر نے سے متعلق فیصلہ نہ ہوسکا۔ پیر کو وزیر تعلیم شفقت محمود کی زیر صدارت وزارت تعلیم میں اہم اجلاس ہوا جس میں تمام بورڈز کے چیئرمینوں بذریعہ ویڈیو لنک اجلاس میں شرکت کی،وزارت تعلیم نے بورڈز سے سفارشات طلب کرلیں،انتیس تعلیمی بورڈز سے مشاورت کے بعد حتمی فیصلہ کیا جائیگا۔ذرا ئع کے مطابق بورڈز نے سفارشات دینے کیلئے وقت مانگ لیا،جمعہ تک تمام سفارشات کو مکمل کرکے لائحہ عمل کا اعلان کیا جائیگا۔ شفقت محمود نے تصدیق کی کہ جمعہ تک تمام امور پر ایک جامع اعلان کردیا جائے گا