کوئٹہ، تین بھائیوں کا قتل، گرفتار ملزم 5 روزہ جسمانی ریمانڈ پر پولیس کے حوالے

کوئٹہ (انتخاب نیوز) تین بھائیوں کے قتل کا معاملہ ،جوڈیشل مجسٹریٹ VII جناب کلیم اللہ نے گرفتار ملزم کو 5روزہ جسمانی ریمانڈ پر پولیس کے حوالے کردیا۔گزشتہ روز کوئٹہ پولیس نے جوائنٹ روڈ پر پیش آنے والے دلخراش واقعہ جس میں 8سالہ بچے سمیت 3بھائیوں کو قتل کردیاگیاتھا میں گرفتار ایک ملزم قیس خان کو جوڈیشل مجسٹریٹ کے روبرو پیش کردیااور استدعا کی کہ ملزم کی ریمانڈ دی جائے جس پر جوڈیشل مجسٹریٹ VII جناب کلیم اللہ کی عدالت نے ملزم قیس خان کو 5روزہ جسمانی ریمانڈ پولیس کے حوالے کردیا۔پولیس نے ملزم قیس خان کواپنے 3 بھائیوں کے قتل کے الزام میں گرفتارکیاگیاتھاڈی آئی جی کوئٹہ غلام اظفر مہسر کاکہناتھاکہ ملزم قیس خان ڈاکٹر ناصر اچکزئی کا چوتھا بیٹا اور تینوں مقتولین کا بھائی ہے ڈاکٹر ناصر اچکزئی نے گذشتہ روز اپنے تین بیٹوں کے قتل کا مقدمہ نامعلوم ملزمان کےخلاف درج کرایاتھا 26ستمبرکی رات جوائنٹ روڈ نامعلوم افرادکی فائرنگ سے تین بھائی جاں بحق ہوئے تھے گرفتار ملزم قیس خان پہلے ہی قتل کے کیس میں زیرتفتیش تھا ملزم قیس خان وقوعہ کے وقت اپنے تینوں بھائیوں کےساتھ گاڑی میں موجود تھا۔

اپنا تبصرہ بھیجیں