اختر مینگل کے سربراہی میں لاپتہ افرادکی بازیابی کیلئے قائم کمیشن 15 نومبر کواحتجاجی کیمپ کا دورہ کرےگی،نصراللہ بلوچ
کوئٹہ (انتخاب نیوز)نصراللہ بلوچ نے اپنے جاری کردہ بیان میں کہا کہ بلوچستان نشنل پارٹی کے سربراہ اختر مینگل کے سربراہی میں قائم کمیشن 15 نومبر کو وائس فار بلوچ مسنگ پرسنز کےاحتجاجی کیمپ کا دورہ کریں گی۔ کمیشن کے سربراہ اور ممبران تنظیم کے رہنماوں اور لاپتہ افراد کے اہلخانہ سے ملاقات بھی کرینگے، لاپتہ افراد کے اہلخانہ سے گزارش ہے کہ وہ 15 نومبر کو احتجاجی کیمپ میں اپنی موجودگی یقینی بنائے تاکہ وہ خود اپنے لاپتہ پیاروں کے جبری گمشدگی کے تفصیلات کمیٹی کو بتانے کے ساتھ اپنے لاپتہ پیاروں کے لیے آئینی اور پرامن جد و جہد کے بعد بھی انہیں انصاف نہ ملنے کی وجہ سے وہ جس زہنی کرب و اذیت میں مبتلا ہے وہ کمیٹی کے سامنے بیان کرسکے ،واضع رہے کہ احتجاجی کیمپ کے دورے کے موقع پر وفاقی سیکرٹری داخلہ، وفاقی سیکرٹری ہیومن رائٹس اور سیکرٹری سیکرٹریٹ سینٹ بھی کمیشن کے سربراہ اور ممبران کے ہمراہ ہونگے۔
