فیفا ورلڈ کپ کا فائنل (آج)فرانس اور ارجنٹینا کے درمیان کھیلا جائیگا

دوحہ : فیفا ورلڈ کپ 2022ء کا فائنل آج بروز اتوار کے روز فرانس اور ارجنٹینا کے درمیان کھیلا جائے گا تاہم اس سے قبل ہی فرانس کے 3کھلاڑی بخار میں مبتلا ہوگئے۔برطانوی میڈیا کے مطابق فرانس کے 3فٹبالر رافیل وران، ابراہیما کوناٹے اور کنگسلے کومان فلو کی وجہ سے ٹریننگ سیشن میں شریک نہ ہوسکے۔فرانسیسی فٹبال فیڈریشن نے کھلاڑیوں کے بیمار ہونے کی تصدیق کرتے ہوئے کہا کہ فلو سے متاثرہ کھلاڑیوں نے خود کو کمروں میں آئیسولیٹکرلیا ہے۔