سٹیٹ بینک کے زرمبادلہ ذخائر سے متعلق جاری اعدادوشمار خطرے کی گھنٹی ہیں، فواد چوہدری

اسلام آباد(انتخاب نیوز )پاکستان تحریک انصاف کے رہنما اور سابق وفاقی وزیر اطلاعات فواد چوہدری نے کہا ہے کہ سٹیٹ بینک کی جانب سے زرمبادلہ ذخائر سے متعلق جاری اعدادوشمار خطرے کی گھنٹی ہیں۔سماجی رابطے کی ویب سائٹ ٹوئٹر پر فواد چوہدری نے کہا کہ پی ڈی ایم کی حکومت نے معیشت کے ساتھ جو کھلواڑ کیا اس کی مثال نہیں ملتی ، سٹیٹ بینک نے زرمبادلہ ذخائر سے متعلق اعداد و شمار جاری کئے ہیں جس نے خطرے کی گھنٹی بجادی ہے جس دن عدم اعتماد کی تحریک لائی گئی زرمبادلہ ذخائر 16بلین ڈالر تھے۔انہوںنے کہا کہ زرمبادلہ ذخائراب 6.1بلین ڈالر رہ گئے ہیں، حکمران ذاتی مفادات کے علاوہ کچھ نہیں سوچتے۔