سیکورٹی خدشات کی بنا پر بلوچستان میں ٹرین سروس معطل

کوئٹہ (ویب ڈیسک) سکیورٹی خدشات کی بنا پر آج بلوچستان میں ٹرین سروس مکمل طور پر معطل رہے گی۔ ریلوے حکام کے مطابق فیصلہ ناگزیر وجوہات کی بنا پر کیا گیا ہے۔ بتایا جارہا ہے کہ پشاور کے لیے جعفر ایکسپریس، کراچی کے لیے بولان میل اور پشاور سے کوئٹہ آنے والی جعفر ایکسپریس معطل کردی گئی ہیں۔ اس کے علاوہ چمن ٹرین بھی آج نہیں چلے گی اور معطل رہے گی۔