افغانستان میں 7 ارب ڈالر سے زائد مالیت کے امریکی ہتھیار دہشتگردوں کی دسترس میں ہیں، امریکی جریدہ

نیویارک (مانیٹرنگ ڈیسک) امریکی جریدے کی رپورٹ میں بتایا گیا ہے کہ ٹی ٹی پی افغانستان میں موجود امریکی ہتھیاروں سے پاکستان میں دہشتگردی کررہی ہے۔ امریکی جریدے دی جیو پالیٹکس کے مطابق ٹی ٹی پی پاکستانی فورسز اور شہریوں پر مسلسل حملے کررہی ہے، ٹی ٹی پی نے کے پی میں دہشتگرد کارروائیاں اور پرتشدد حملے کیے۔ دی جیو پالیٹکس کی رپورٹ میں بتایا گیا ہے کہ افغانستان میں موجود امریکی ہتھیاروں کی مالیت 7 ارب ڈالرسے زائد ہے، ایم 4، ایم 16رائفلیں اور نائٹ وژن سائٹس جیسے امریکی ہتھیار دہشتگردوں کی دسترس میں ہیں۔ امریکی جریدے کے مطابق امریکی ہتھیار افغانستان کی بلیک مارکیٹ میں دہشتگرد نیٹ ورکس کو بیچے جارہے ہیں۔ سیکورٹی ذرائع کا کہنا ہے کہ پاکستان ثابت کرچکا ہے کہ افغانستان میں موجود دہشتگرد امریکی ہتھیاروں سے حملہ آور ہیں۔