جسٹس مظاہر نقوی کیخلاف ن لیگ لائرز فورم نے سپریم جوڈیشل کونسل میں ریفرنس دائر

اسلام آباد (انتخاب نیوز) مسلم لیگ (ن) لائرز فورم نے جسٹس مظاہر نقوی کیخلاف سپریم جوڈیشل کونسل میں شکایت درج کرادی۔ مسلم لیگ (ن) لائرز فورم نے آئین کے آرٹیکل 209 کے تحت جسٹس مظاہر عل اکبر نقوی کے خلاف سپریم جوڈیشل کونسل میں شکایت درج کرادی ہے۔ جسٹس مظاہر نقوی کےخلاف شکایت آڈیو لیک کی بنیاد پر درج کرائی گئی ہے۔ ن لیگ لائرز فورم کی جانب سے دائر درخواست میں جسٹس مظاہر نقوی کی چوہدری پرویز الٰہی کے ساتھ مبینہ گفتگو کا متن بھی شامل ہے۔ درخواست کے مطابق جسٹس مظاہر نقوی نے کوڈ آف کنڈکٹ کی خلاف ورزی کی۔ سپریم جوڈیشل کونسل سے استدعا کی گئی ہے کہ جسٹس مظاہر نقوی کے خلاف آرٹیکل 209 کے تحت کارروائی کی جائے۔ جسٹس مظاہر علی اکبر نقوی کے خلاف سپریم جوڈیشل کونسل میں پہلے بھی ریفرنس دائر کیا جاچکا ہے۔