تربت کے علاقے آپسر میں خاتون کی خودکشی کی کوشش، بروقت طبی امداد سے زندگی بچالی گئی

کیچ (انتخاب نیوز) بلوچستان کے ضلع کیچ کے مرکزی شہر تربت میں خاتون کی خودکشی کی کوشش۔ واقعہ تربت کے علاقے آپسر ڈکی بازار کے مقام پر پیش آیا، پولیس کے مطابق آپسر ڈاکی بازار میں بنت دلپل نامی خاتون نے زہریلی دوا پی کر خودکشی کی کوشش کی مگر اہل خانہ کی جانب سے بروقت ہسپتال پہنچانے کے باعث ڈاکٹروں نے خاتون کی زندگی بچالی۔ یاد رہے کہ گزشتہ روز آپسر بلوچی بازار میں ایک خاتون نے خودکشی کی تھی۔