ڈاکٹر حفیظ سرپرہ کی نمل یونیورسٹی میں بطور براہوئی پروفیسر تعیناتی نیک شگون ہے، ڈاکٹر صلاح الدین

کوئٹہ (یو این اے) براہوئی اکیڈمی پاکستان کے چیئرمین ڈاکٹرصلاح الدین خان مینگل نے کہاہے کہ ڈاکٹرحفیظ سرپرہ کا نمل یونیورسٹی اسلام آباد بطور براہوئی پروفیسر تعیناتی نیک شگون ہے ان کی تعیناتی سےنہ صرف ملکی سطح پربلکہ بین الاقوامی سطح پر براہوئی زبان،ادب و ثقافت کی ترقی و ترویج میں مدد ملے گی ان خیالات کا اظہار انہوں نے یہاں براہوئی اکیڈمی کی جانب سے ڈاکٹر حفیظ سرپرہ کے اعزاز میں منعقدہ تقریب سے خطاب کرتے ہوئے کیااس موقع پر براہوئی اکیڈمی کی عہدیدار اور اراکین بڑی تعداد میں موجودتھےڈاکٹرصلاح الدین خان مینگل نے مزید کہاکہ ڈاکٹرحفیظ سرپرہ ایک محنتی اور منجے ہوئے ادیب و دانشور ہے براہوئی ادب کے لیے ان کی خدمات کسی سے ڈھکی چھپی نہیں ہےنمل یونیورسٹی جیسے ادارے میں ان کی تعیناتی کو ہم خوش بختی کی علامت تصور کرتے ہیں جس سے صرف زبان کی ترقی کی ترقی و ترویج میں اضافہ ہوگا بلکہ وفاقی دارالحکومت میں براہوئی زبان کی صیح معنوں میں نمائندگی ہوگی۔انہوں نے مزید کہاکہ ہماری ہمیشہ کوشش رہی ہےکہ بلوچستان یونیورسٹی کے علاوہ ملک کے دیگر نامی گرامی یونیورسٹیوں میں بھی براہوئی کے پروفیسرز تعینات ہوں تاکہ وہاں بھی براہوئی پڑھائی جاسکےجس کےلیے براہوئی اکیڈمی ہمیشہ سے کوشاں رہی ہے۔اس موقع پر ڈاکٹرحفیظ سرپرہ نے خطاب کرتے ہوئے کہاکہ میں براہوئی اکیڈمی پاکستان کا مشکور ہوں کہ انہوں نے میرے اعزاز میں تقریب کا انعقاد کیایہ براہوئی اکیڈمی خصوصا ڈاکٹرصلالدین خان مینگل کی کوششوں کا نتیجہ ہے کہ نمل جیسے ملک کے نامور یونیورسٹی میں براہوئی کونمائندگی ملی ہے۔