کوئٹہ میں فی کلو 200 روپے میں فروخت، یوٹیلٹی اسٹورز سے چینی غائب
کوئٹہ(یو این اے ) صوبائی دارالحکومت کوئٹہ میں چینی کی قیمت کو ایک بار پھر پر لگ گئے، کوئٹہ میں فی کلو چینی 200 روپے تک فروخت کی جانے لگی یوٹیلٹی اسٹورز میں چینی غائب ہوں گئی تفصیلات کے مطابق کوئٹہ سمیت ملک کے بڑے شہروں میں چینی کی فی کلو قیمت ایک بار پھر آسمان سے باتیں کرنے لگی ہیں،کوئٹہ میں ہول سیل باز ار میں چینی کی 100 کلو بوری 20 ہزارروپے میں فروخت کی جا رہی ہیں یوں تھوک مارکیٹ میں چینی 190روپے کلو مل رہی ہےجبکہ ریٹیل مارکیٹ میں چینی 200 روپے کلو میں دستیاب ہے۔ذرائع کے مطابق دو روز کے دوران چینی 30 روپے فی کلو مہنگی ہوئی،شہرکے بعض علاقوں میں چینی 200روپے کلو تک پہنچ چکی ہےشہریوں نے چینی کی فی کلو قیمت میں کمی کا مطالبہ کیا اور کہا کہ یوٹیلیٹی اسٹورز پربھی اب چینی دستیاب نہیں غریب عوام دکانداروںکے رحم وکرم پر ہیں اور مہنگے داموں خریدنے پر مجبور ہیں۔
