کرپشن کرنیوالوں کا راستہ روکیں گے، بلوچستان اب اسمگلرز کیلئے محفوظ نہیں، جان اچکزئی

کوئٹہ (انتخاب نیوز) نگراں صوبائی وزیر اطلاعات جان اچکزئی نے کہا ہے کہ نگراں بلوچستان حکومت کرپشن کرنے والوں کے سارے راستے جب تک بند نہیں کردے گی سکون سے نہیں بیٹھے گی۔ اپنے ایک بیان میں جان اچکزئی نے کہا ہے کہ ہر طرح کی اسمگلنگ چاہے اندرون ملک ہو یا بیرون ملک اس کو ختم کرنے کے اقدامات کیے جاچکے ہیں۔ یوریا، آٹا، تیل، پیٹرول اور دیگر اشیاءکے اسمگلرز کے لیے اب بلوچستان محفوظ ذریعہ نہیں بنے گا۔