اسلام آباد میں مظلوم پیپلز کانفرنس، پولیس نے راستے بند کردیے، آنیوالوں کو مشکلات کا سامنا

اسلام آباد (انتخاب نیوز) بلوچ یکجہتی کمیٹی کے زیراہتمام ‘مظلوم افراد کی بین الاقوامی کانفرنس’ کا آغاز ہوچکا ہے تاہم منتظمین کا کہنا ہے کہ آج پولیس کی بھاری نفری تعینات کرکے مختلف راستوں کو بند کردیا گیا۔ کانفرنس میں شرکت کیلئے آنے والے افراد کو مشکلات کا سامنا کرنا پڑرہا ہے۔ نیشنل پریس کلب اسلام آباد اور انٹرنیشنل مظلوم پیپلز کانفرنس میں بلوچ نسل کشی کے خلاف دھرنے کے منتظمین کی پروفائلنگ اور ہراساں کرنے کا سلسلہ جاری ہے۔ مہمانوں اور آئی او پی سی کے شرکاءکو دھمکایا جا رہا ہے اور ان کو داخلے سے روکا جا رہا ہے۔ خاردار تاریں پولیس کی بھاری نفری کے ساتھ لائی گئی ہیں۔ ہمیں اپنے دھرنے پر پولیس کی طرف سے بھاری کریک ڈاو¿ن کا خدشہ ہے۔ اور تمام شعبہ ہائے زندگی سے تعلق رکھنے والے ضمیر فروشوں سے گزارش ہے کہ اس وحشیانہ عمل کے خلاف آواز بلند کریں۔