کوئٹہ، وفاقی محتسب نے رہائشی کے گیس بل پر عائد جرمانہ ختم کروادیا

کوئٹہ(یو این اے)وفاقی محتسب کے حکم پر کوئٹہ کے رہائشی درخواست گزار عزیز تیمور حسین کے گیس بل پر عائد 10750 روپے جرمانہ ختم کروا دیا گیا۔ وفاقی محتسب ریجنل افس کوئٹہ میں کوئٹہ کے رہائشی درخواست گزار عزیز تیمور حسین نے درخواست دائر کی تھی کہ اس کے گیس بل پر SSGC کی جانب سے بلا جواز جرمانہ لگایا گیا ہے ۔ درخواست گزار کا مزید کہنا تھا کہ اس نے اس حوالے سے گیس دفتر کے کئی چکر لگائے مگر کوئی شنوائی نہیں ہوئی ۔بالاخر مجبور ہو کر انہوں نے انصاف کے حصول کی خاطر وفاقی محتسب کے ادارے میں درخواست دائر کی ۔ درخواست موصول ہوتے ہی ریجنل افس کوئٹہ کے عملے نے انکوائری کا اغاز کیا اور گیس دفتر سے عملے کو طلب کر کے جواب مانگا متعلقہ محکمے کا عملہ جواز پیش کرنے میں ناکام رہا ۔ چنانچہ وفاقی محتسب نے احکامات جاری کیے کہ فوری طور پر درخواست گزار عزیز تیمور حسین کے گیس بل پر عائد جرمانے کو ختم کیا جائے ۔ وفاقی محتسب کے احکامات موصول ہوتے ہی متعلقہ محکمے نے درخواست گزار کی گیس بل پر عائد 10750 روپے جرمانے کو ختم کر دیادرخواست گزار نے وفاقی محتسب کے اس احسن اقدام پر شکریہ ادا کیا۔