پیر کو سورج دن 12 بج کر 18 منٹ پر خانہ کعبہ کے عین اوپر ہوگا، سعودی حکام

ریاض(یو این اے)سعودی حکام نے کہا ہے کہ آج(پیر ،27 مئی)سورج دن 12 بج کر 18 منٹ پر خانہ کعبہ کے عین اوپر ہوگا،اس سے قبلہ رخ کا تعین کیا جاسکتا ہے۔میڈیا نے سعودی عرب کی فلکیاتی سوسائٹی کے نگران انجینئر ماجد آل زاہرہ کے حوالے سے بتایا کہ سال میں دوبار سورج خانہ کعبہ کے عین اوپر ہوتا ہے جس سے قبلہ رخ کا تعین کرنے میں مدد ملتی ہے۔انہوں نے کہا کہ پیر کو دن 12 بج کر 18 منٹ پر سورج خانہ کعبہ کے عین اوپر ہوگا اور یہ رواں سال (2024 ) کا پہلا مرحلہ ہوگا۔ان کا کہنا تھا کہ ماضی میں لوگ اس وقت جب سورج خانہ کعبہ کے عین اوپر ہوتا تھا ،چھڑی زمین میں گاڑھ کر اس کے سائے سے قبلہ رخ کا تعین کرتے تھے