مرنے کے بعد اللہ کو کیا جواب دوں گی، ہانیہ عامر خوفزدہ

ہانیہ عامرنے اپنے خوفزدہ ہونے کی وجہ بتا دی کہا کہ میں خود کو ملنے والی شہرت سے خوف زدہ ہوتی ہوں کہ مرنے کے بعد اللہ کو کیا جواب دوں گی۔اداکارہ اور ماڈل ہانیہ عامر نے برطانوی نشریاتی ادارے کو انٹرویو میں کہنا ہے کہ خود کو ملنے والی شہرت سے خوفزدہ ہوتی ہوں۔ مجھے اس بات کا بھی احساس ہوتا ہے کہ مرنے کے بعد اللہ کو کیا جواب دوں گی۔اداکارہ ہانیہ عامر نے کہا کہ میں نے اپنی خوبصورت تصاویر سوشل میڈیا پر پوسٹ کیں اور خوب پیسہ کمایا۔ یہ جواب میرے دینے کا نہیں ہے۔اداکارہ نے کہا کہ میں نے ہمیشہ ذہنی صحت کے حوالے سے کھل کر بات کی ہے۔میرا مقصد اپنے کام کے ذریعے مثبت اثرات کو پھیلانا اور لوگوں کو خوش کرنا ہے۔ لوگ ذہنی صحت سے متعلق بات کرتے ہوئے کتراتے ہیں لیکن اس بارے میں ہمیشہ میں نے بات کی ہے۔ لوگوں کو پتا ہونا چاہیے کہ ذہنی بیماریوں کا بھی علاج موجود ہے۔