بھارت،مسافر بس کی ٹرک سے ٹکر،18افرا ہلاک،19 زخمی
نئی دہلی (صباح نیوز)بھارت کی ریاست اتر پردیش میں مسافر بس دودھ سپلائی کرنے والے ٹرک سے ٹکرا گئی جس کے نتیجے میں 18 افراد ہلاک اور 19 زخمی ہوگئے۔بھارت کی ریاست اتر پردیش میں انائو کے ضلع مجسٹریٹ گورانگ راٹھی نے بتایا کہ ڈبل ڈیکر بس بہار سے دہلی جارہی تھی، لکھن آگرہ ایکسپریس وے پرڈبل ڈیکر بس نے پیچھے سے دودھ کے ٹینکر کو ٹکر ماردی ، ٹکر اس قدر شدید تھی کہ مسافروں کے ساتھ ہی بس اوپر والا حصہ اڑ گیا۔بھارتی پولیس کے مطابق ہلاک ہونے والوں میں 3 خواتین اور ایک بچہ بھی شامل ہے۔بھارتی میڈیا کے مطابق حادثے کے نتیجے میں بس کو بھی بری طرح نقصان پہنچا جبکہ مسافروں کا سامان بھی تباہ ہوگیا۔بھارتی میڈیا کے مطابق حادثہ صبح پیش آیا، تمام زخمیوں کوہسپتال منتقل کردیا گیا ۔اتر پردیش کے وزیر اعلیٰ یوگی آدتیہ ناتھ نے سماجی روابط کی ویب سائٹ ایکس پر حادثے میں جانی نقصان پر افسوس کا اظہار کیا۔وزیر ٹرانسپورٹ دیاشنکر سنگھ نے اس مہلک حادثے کا نوٹس لے لیا اور مرنے والوں کے اہل خانہ سے تعزیت کا اظہار کیا۔ انہوں نے کہاکہ ضلعی انتظامیہ اور محکمہ ٹرانسپورٹ کے اہلکاروں کو تمام زخمیوں کے مناسب علاج کو یقینی بنانے کی ہدایات دی گئی ہیں۔
