صدر سے سرفراز ا بگٹی کی ملاقات،بلوچستان میںامن و امان کی صورتحال بارے تبادلہ خیال

اسلام آباد (صباح نیوز) صدر آصف علی زرداری سے وزیرِ اعلی بلوچستان سرفراز احمد بگٹی نے ایوانِ صدر میں ملاقات کی۔ وزیر اعلی بلوچستان نے صدر مملکت کو صوبے کی مجموعی صورتحال بارے آگاہ کیا ۔وزیر اعلی نے صدر مملکت کو صوبے میں امن و امان کی صورتحال بارے بتایا ۔وزیرِ اعلی بلوچستان نے صدر مملکت کو عوامی فلاح کیلئے صوبے میں جاری ترقیاتی منصوبوں پر بریفنگ دی ۔صدر مملکت نیبلوچستان کی ترقی و خوشحالی کیلئے منصوبوں کی جلد تکمیل پر زور دیا۔صدر نے کہا کہ صوبے کی آبی ضروریات پوری کرنے ، زراعت کے فروغ اور غذائی تحفظ کیلئے وفاقی حکومت کے تعاون سے کچھی کینال کی جلد تکمیل ضروری ہے ،صوبائی حکومت بلوچستان کی ترقی اور عوامی خوشحالی کیلئے موثر اقدامات اٹھائے ،صوبے میں جاری منصوبوں اور امن و امان کیلئے صوبائی حکومت کے اقدامات پر صدر نے اظہار اطمینان کیا ہے