متحدہ عرب امارات،ایکسپائر اقامہ ہولڈرز کے لیے 2 ماہ کی رعایت

ابو ظہبی(مانیٹرنگ ڈیسک)متحدہ عرب امارات میں وفاقی اتھارٹی برائے شناخت، شہریت، کسٹمز اور پورٹس سکیورٹی نے کہا ہے کہ جن غیرملکیوں کے اقامے کی مدت ختم ہوچکی ہے ،انہیں 2 ماہ کی رعایت دی گئی ہے۔ وفاقی اتھارٹی برائے شناخت و شہریت کے اعلان کے مطابق وہ غیرملکی جو امارات میں قیام پذیر ہیں اور ان کا اقامہ ختم ہوچکا ہے تو وہ یکم ستمبر سے دو ماہ کے اندر بغیر کسی جرمانے کے اقامے میں توسیع کراسکتے ہیں یا ملک سے جاسکتے ہیں۔ اتھارٹی نے کہا کہ یہاں رہنے والے غیرملکیوں کو اپنی شناختی دستاویز درست کرانے اور تجدید کے لیے 2 ماہ کی رعایت دی جا رہی ہے رعایتی مدت کا آغاز یکم ستمبر سے ہوگا۔ اس مدت کے دوران اگر کسی کا اقامہ ایکسپائر ہوچکا ہے تو وہ بغیر کسی جرمانے اور پریشانی کے اپنے اقامے تجدید کراسکتا ہے یا اگر ملک سے جانا چاہے تو بھی روانہ ہوسکتا ہے۔