قازقستان، تانبے کی کان بیٹھنے سے 7مزدور ہلاک

آستانہ (این این آئی)قازقستان میں تانبے کی کان بیٹھ گئی، جس کے نتیجے میں 7 مزدور ہلاک ہو گئے۔بین الاقوامی میڈیا کے مطابق قازقستان میں تانبے کی کان میں پیش آئے حادثے میں مرنے والے 7 کان کنوں کی لاشیں بر آمد کر لی گئی ہیں۔حکام کے مطابق یہ حادثہ 640 میٹر گہرائی میں اس وقت پیش آیا جب ایک بھاری چٹان کان میں گر گئی۔ قازقستان دنیا میں تانبے کی پیداور میں نمایاں مقام رکھتا ہے، قازقستان میں اکتوبر 2023 میں کارگنڈا کے علاقے میں ہونے والے ایسے ہی ایک حادثے میں 46 افراد کی موت واقع ہوئی تھی۔