خضدار، فائرنگ سے 2 افراد جاں بحق، حکومت ہمارے شہدا کے قاتلوں کو فوری گرفتار کرے، جے یو آئی

کوئٹہ (آن لائن) خضدار میں گاڑی پر فائرنگ سے جمعیت علمائے اسلام بلوچستان کے 2 رہنما جاں بحق اور 2 افراد زخمی ہوگئے۔صوبائی امیر جمعیت علما اسلام بلوچستان سینیٹر مولانا عبدالواسع، صوبائی جنرل سیکرٹری مولانا سید آغامحمود شاہ اور صوبائی مجلس عاملہ کے اراکین کا زہری واقعے میں جے یو آئی کے رہنمائوں کی شہادت کی شدید مذمت حکومت سے فوری قاتلوں کی گرفتاری اور انہیں کیفرکردار تک پہنچایاجائے بلوچستان میں خون بہایا جا رہا ہے، مگر حکمران بے حس تماشائی بنے بیٹھے ہیں رمضان المبارک جیسے مقدس مہینے کے آغاز میں جے یو آئی کے رہنمائوں کی شہادت ایک ناقابلِ برداشت سانحہ ہے وڈیرہ عبدالخالق مرحوم اور ان کے شہید فرزند وڈیرہ غلام سرور موسیانی کی قربانیاں جے یو آئی کی تاریخ میں سنہری حروف سے لکھی جائیں گی۔ ان کی جماعتی خدمات گرانقدر تھیں، اور ان کی شہادت دشمنوں کی بزدلانہ کارروائی ہے وڈیرہ غلام سرور موسیانی اور مولوی امان اللہ موسیانی جیسے عظیم رہنما کی شہادت ناقابلِ برداشت ہے انہوں نے اپنی پوری زندگی جماعتی نظم کے تحت اسلاف کے نقشِ قدم پر استقامت اور ثابت قدمی کے ساتھ گزاری۔ وہ حق و سچ کے علم بردار تھے جمعیت علما اسلام کسی بھی صورت اپنے شہدا کی قربانیوں کو رائیگاں نہیں جانے دے گی یہ جماعت ہمیشہ باطل قوتوں کے خلاف میدانِ عمل میں رہی ہے حکومت ہمارے شہدا کے قاتلوں کو فوری گرفتار کرے ہمارے جذبات کے ساتھ کھیلنے کی کوشش نہ کی جائے،جمعیت علما اسلام نے بارہا بلوچستان میں بگڑتی ہوئی صورتحال پر تشویش کا اظہار کیا، مگر حکومت بے حسی، نااہلی اور بے بسی کی تصویر بنی ہوئی ہے۔ حکمرانوں کو صرف ایک سانحے کے بعد دوسرے سانحے کا انتظار رہتا ہے، یہ مجرمانہ غفلت ناقابلِ معافی ہے۔