امریکہ سے تجارتی جنگ کا آغاز، چین میں ہالی ووڈ فلموں پر پابندی عائد

بیجنگ (مانیٹرنگ ڈیسک) چین نے ہالی ووڈ فلموں کی درآمد پر پابندی عائد کر دی۔ غیر ملکی میڈیا کی رپورٹس کے مطابق امریکا اور چین کے درمیان محصولات کی جنگ ہالی ووڈ تک جا پہنچی۔ چین نے امریکی صدر ڈونلڈ ٹرمپ کی جانب سے عائد محصولات میں اضافے کے خلاف جوابی کارروائی کرتے ہوئے ہالی ووڈ فلموں کی درآمدات پر فوری پابندی عائد کرنے کا اعلان کر دیا ہے۔ میڈیا رپورٹس کے مطابق گزشتہ 30 سال سے چین سالانہ 10 ہالی ووڈ فلمیں درآمد کرتا ہے تاہم بیجنگ کی نیشنل فلم ایڈمنسٹریشن (این ایف اے) کا کہنا ہے کہ ٹرمپ کے ٹیرف سے چین میں امریکی سنیما کی طلب متاثر ہو گی، ہم امریکی سنیما کی مانگ کو مزید کم کر دیں گے۔