وندر بریدہ کیمپ سے 35 سالہ شخص، شاہ نورانی کے قریب 60 سالہ شخص کی لاش برآمد

سونمیانی وندر،حب (نمائندہ انتخاب) وندر، بریدہ کیمپ کے سمندر سے نامعلوم شخص کی تین دن پرانی لاش برآمد، ایدھی ذرائع کے مطابق وندر کے ساحلی علاقے بریدہ کیمپ کے قریب سمندر سے ایک نامعلوم شخص کی تین سے چار دن پرانی لاش برآمد ہوئی ہے۔ لاش کو ایدھی ایمبولینس کے ذریعے آر ایچ سی وندر منتقل کیا گیا جہاں ابتدائی کارروائی کے بعد سول اسپتال حب منتقل کر دیا گیا۔ ایدھی ذرائع کے مطابق متوفی کی عمر تقریباً 35 سال بتائی جاتی ہے جس کی شناخت تاحال نہ ہوسکی ہے۔ علاوہ ازیں شاہ نورانی درگاہ کے قریب ایک شخص کی لاش برآمد ہوئی ہے۔ ابتدائی رپورٹ کے مطابق، لاش کی شناخت عمران شاہ ولد سید علی حسن شاہ 60 سال کے نام سے ہوئی ہے۔ ریسکیو 1122 نے لاش کو ایدھی ایمبولینس کے ذریعے قریبی تھانہ منتقل کیا، جہاں قانونی کارروائی کے بعد اسے ایدھی ہوم سراب گوٹھ کے سرد خانے میں منتقل کر دیا گیا۔