کراچی، جوڈیشل مجسٹریٹ کی عدالت میں عزیر بلوچ کیخلاف 2 مقدمات کا فیصلہ موخر

کراچی (آئی این پی) جوڈیشل مجسٹریٹ کی عدالت نے عزیر بلوچ کیخلاف غیر قانونی اسلحہ کی برآمدگی اور ملزمان کو سہولت فراہم کرنے کے 2 مقدمات کا فیصلہ موخر کردیا۔ پولیس کے مطابق ملزمان شمس الدین اور عبد الغفار بگٹی نے اقبالی بیان میں کہا تھا کہ عزیر بلوچ اور نور محمد عرف بابا لاڈلہ نے اسلحہ کی ترسیل میں سہولت فراہم کی۔ ملزم کے بیان پر عزیر بلوچ کیخلاف دفعہ 109 کے تحت مقدمہ درج کیا گیا تھا۔ ملزم سے بارود اور گولیاں برآمد کی گئیں تھی۔ ملزمان کیخلاف تھانہ سی آئی ڈی میں 2012 میں درج کیا گیا تھا۔