دالبندین میں فورسز کی کارروائی، 6 دہشتگرد ہلاک ہوگئے، سرکاری ٹی وی

ویب ڈیسک : سرکاری ٹی وی (پی ٹی وی) کے مطابق سیکیورٹی ذرائع نے بتا یا کہ بلوچستان کے علاقے دالبندین میں سیکیورٹی فورسز نے کارروائی کرتے ہوئے6 دہشت گردوں کو ہلاک کر دیا۔ سیکیورٹی ذرائع نے بتایا کہ مارے گئے دہشت گرد پہاڑی غار میں پناہ لیے ہوئے تھے، جن پر فضائی نگرانی کے ذریعے مسلسل نظر رکھی جارہی تھی۔سیکیورٹی ذرائع کے مطابق قانون نافذ کرنے والے اداروں نے موزوں وقت پر دہشت گردوں کے ٹھکانے کو مو¿ثر انداز سے نشانہ بنایا، جس میں 6 دہشت گرد مارے گئے۔سیکیورٹی ذرائع نے مزید بتایا کہ یہ اہم کامیابی سیکیورٹی فورسز اور خفیہ اداروں کی بہترین ہم آہنگی اور مو¿ثر رابطے کا نتیجہ ہے، بلوچستان میں دہشتگردی کے خاتمے تک فورسز کی جانب سے سیکیورٹی اقدامات جاری رہیں گے۔